1 मिनेट 
काठमाडौं, २३ भदौ । एसिया कप टी–२० क्रिकेटमा पाकिस्तानले लगातार दोस्रो जित निकालेसँगै प्रतियोगिताको फाइनल समिकरण पूरा भएको छ।
हिजो सार्जाहमा अफगानिस्तानविरुद्धको शीर्ष चारको दोस्रो खेलमा पाकिस्तानले रोमाञ्चक रूपमा १ विकेटको जित निकाल्यो।
पाकिस्तानको जितसँगै श्रीलंका पनि फाइनल प्रवेश गर्न सफल भयो। दुवैले शीर्ष चारमा समान २–२ जित निकाल्दै एक खेल अगावै फाइनलमा स्थान बनाए। अफगानिस्तान र भारत भने प्रतियोगिताबाट बाहिरिए।
अब उपाधिका लागि पाकिस्तानले ११ सेप्टेम्बर मा श्रीलंकाको सामना गर्ने छ। टस हारेर पहिलो ब्याटिङ गरेको अफगानिस्तानले निर्धारित २० ओभरमा ६ विकेट गुमाएर १२९ रन बनायो। जवाफमा पाकिस्तानले उक्त लक्ष्य ४ बल बाँकी हुँदा पूरा र्गयो। १३० रनको लक्ष्य पछ्याउने क्रममा पाकिस्तानले अन्तिम ओभर सम्म संघर्ष गर्नु र्प यो। १९ औं ओभरमा २ विकेट गुमाएर दबाबमा आएको पाकिस्तान अन्तिम ओभरमा लगातार दुई छक्का प्रहार गर्न सफल भएसँगै ९ विकेट गुमाएर जित निकाल्न सफल रह्यो।
