गोथिया कपको उद्घाटन सत्रमा नेपालको सहभागीता

श्रावण २९ ।  चीनको चिन्डाओ सहरमा मंगलबार भएको गोथिया कपको उद्घाटन सत्रमा जुनियर फुटबल एकेडेमी (जेएपफए नेपाल) ले सहभागीता जनाएको छ । खेलाडी तथा प्रशिक्षण सहितको टिम नेपाली भेषभूषामा प्रस्तुत भएका थिए ।
उद्घाटन सत्र अगष्ट १० को लागि तय भएको भए पनि लेकिमा टाइफोनको कारण कार्यक्रम सरेको थियो । उद्घाटन सत्रमा ४० देशको ५ हजारभन्दा खेलाडी, पदाधिकारी तथा प्रशिक्षक सहभागी भएका थिए भने हजारौं दर्शकको सहभागीता रहेको थियो । १२ वर्षमुनिका खेलाडीहरू ल्याएको जेएफए समूह ९ मा रहेको छ । टोलीले समूह चरणमा ४ खेल तथा मैत्रीपूर्ण गरि ८ भन्दा बढी खेल खेल्नेछ । गोथिया कपलाई युथ वल्र्ड कप समेत भन्ने गरिएको छ ।