1 मिनेट 
तनहुँ, भाद्र २ । व्यास नगरपालिकाले युवा परिषद्का सदस्यका लागि आइतबार आयोजना गरेको अभिमुखीकरण कार्यक्रममा नेपाली क्रिकेट टिमका उपकप्तान ज्ञानेन्द्र मल्लले परिश्रम र लगावले नै मानिसलाई सफल बनाउने बताउनुभयो । उहाँले भन्नुभयो ’जब मैले बच्चादेखि नै क्रिकेट खेल्न सुरु गरेँ मलाई आज यो अवस्थामा आइपुग्छु भन्ने लागेकै थिएन, गोल्डस्टार जुत्ता लगाएर क्रिकेट खेलेँ ’, । तनहुँको व्यास नगरपालिकाका युवामाझ आफ्नो अनुभव सुनाउँने क्रममा महिला धावक मिरा राईलेसमेत आफ्नो अनुभव सुनाएकी थिइन् । गरिब परिवारमा जन्मिएर पूर्व लडाकु हुँदै दौडमार्फत नेपालको नाम विश्वमाझ चिनाउन पाउँदा आफूलाई गर्व लाग्ने गरेको उनको भनाइ थियो ।
परिषद्का ४० सदस्य सहभागी त्यस अभिमुखीकरण कार्यक्रममा व्यास नगरपालिकाका प्रमुख प्रशासकीय अधिकृत दिनेशराज पन्त, कान्तिपुर टेलिभिजनका कार्यक्रम प्रस्तोता सविना कार्की, मध्यनेपाल पर्यटन विकास समितिका अध्यक्ष हरिसिंह गुरुङ, युवा अभियन्ता सचिन तिमिल्सेना, व्यास नगरपालिका–५ का वडाध्यक्ष मोहनकुमार श्रेष्ठलगायतले आ–आफ्नो अनुभव सुनाएका थिए ।
