८० भन्दा बढी सिनेमा हलबाट मारुनी

काठमाडौं । शुक्रबारबाट मुलुकमा ८० भन्दा बढी सिनेमा हलबाट नयाँ नेपाली चलचित्र ‘मारुनी’ प्रदर्शन हुने भएको छ । निर्माता पुनम क्षत्री गौतमका अनुसार यो चलचित्र त्रिकोणात्मक प्रेम कथामा आधारित छ । भारतीय फिल्म साओको रिलिजका कारण सिँगल हलको तुलनामा मल्टिप्लेक्समा केही कम शो पाएको निर्माण पक्षले जनाएको छ ।

यो चलचित्रलाई नवल नेपालले निर्देशन गरेको हुन् ।यो चलचित्रमा साम्राज्ञी राज्यलक्ष्मी शाह, पुष्प खड्का, रेविका गुरुङलगायतका कलाकारको मुख्य भूमिका छ । चलचित्रमा राजु प्रधान, मिना क्षेत्री र दर्शना केसीको सह–लगानी छ । यो चलचित्रलाई संजय लामाले खिचेका हुन् ।