एशियाकप क्रिकेटमा नेपालद्वारा श्रीलंकासामू १ सय ५९ रनको चुनौति

२० भाद्र २०७६ । १९ वर्षमूनिको एशिया कप क्रिकेटमा नेपालले श्रीलंका सामू १ सय ५९ रनको चुनौति पेस गरेको छ। टस जितेर पहिले ब्याटिङ गरेको नेपालले ४२ ओभरमा झारिएको खेलमा ९ विकेट खर्चेर १ सय ५९ रन बनायो। रणसिंगे प्रेमदासा अन्तर्रा्ष्ट्रिय क्रिकेट रंगशालामा खेल चलिरहेका बेला बर्षा भएपछि ४२ ओभरमा झारिएको थियो। नेपालले ९ ओभरमा २ विकेट गुमाएर ४३ रन बनाउँदा पानी परेपछि रोकिएर सुरु भएको थियो। रित गौतमले अर्धसतकीय पारी खेले। ८६ बलको सामना गरेका उनले ४ चौकाको मद्धतमा ५४ रन बनाए। नेपालका लागि गौतमले बनाएको ५४ रन नै सर्वा्धिक रन बन्यो। रोहित कुमार पौडेलले ४७ रन बनाउँदा रासदि खानले १५, हरि बहादुर चौहानले १२ रनबाहेक अन्य ब्याट्सम्यानले दोहोरो अंकको रन नै बनाउन सकेनन्। श्रीलंकाका दिलसान मधुशंका र नाभोद दिलुश्रीले समान ३–३ विकेट लिए। १ सय ६० रनको विजयी लक्ष्य पछ्याउँदै श्रीलंकाले ब्याटिङ गर्दैछ।