1 मिनेट 
२२ भाद्र २०७६ । दोस्रो वरीयताका स्पेनिस राफयल नाडाल यूएस ओपन टेनिसको फाइनलमा प्रवेश गरेका छन् । न्युयोर्क्स्थित फ्लुसिङ मिडोजमा शनिबार भएको सेमिफाइनलमा नाडालले इटालीका २४औं वरीयताका माटियो बेरेटिनीलाई ३–० को सोझो सेटमा पराजित गर्दै पाँचौंपटक यूएस ओपन टेनिसको फाइनलमा प्रवेश गरेका हुन् । नाडाल यसअघि २०१०, २०११, २०१३ र २०१७ को फाइनलमा प्रवेश गरेका थिए । २०१० बाहेक सबैमा नाडाल विजयी भएका थिए । नाडालले सुरुको सेटमा संघर्ष गर्नुपरे पनि त्यसपछिको दुई सेटमा खासै मिहिनेत गर्नुपरेन । पहिलो सेटमा नाडाल ७–६ (८–६) ले विजयी हुन सफल भएको थियो । दोस्रो सेट ६–४ ले आफ्नो पक्षमा पार्दा तेस्रो सेटमा नाडाल ६–१ ले विजयी हुन सफल भयो ।
