स्पानियोलको रोमान्चक जित

३० भाद्र २०७६ ।  दोस्रो हाफमा पुनरागमन गर्दै स्पानियोलले स्पेनिस ला लिगा फुटबलमा इबरमाथि रोमान्चक जित निकालेको छ ।
गएराती सम्पन्न खेलमा पछि परेको अबस्थालाई उल्टाउँदै स्पानियोलले इबरमाथि २–१ को जित निकालेको हो । इबरको घरेलु मैदानमा ५८ औं मिनेटमा इभान रामिसको गोलले पछि परेको स्पानियोलले ३ मिनेटको फरकमा २ गोल गरेको थियो ।
७६ औं मिनेटमा फाकुन्डोले बराबरी पारेको खेलमा स्पानियोलले ७९ औं मिनेटमा दोस्रो गोल गरेको थियो । इस्टबर्नले खेल सकिन ११ मिनेट बाँकी रहँदा गरेको गोल नै जितका लागि निर्णायक भएको हो ।