1 मिनेट 
( १ )
जता हेर्यो उतैतिर भ्रष्टहरूको हालीमुहाली छ
पसिना बगाउने श्रमिकको गोजी सधैं खाली छ
राम्रो नराम्रो कहिल्यै छुट्याउन सकेन समाजले
उल्टै खल नायकहरूलाई फूलमाला र ताली छ ।
( २ )
ओठ तालु सुके पाइला गल्ने भयो अब
फेरि असन्तुष्टिको राँको बल्ने भयो अब
जतिसुकै ठूलो स्वरमा चिच्याएर कराऊ
स्वेच्छाचारी शासनसत्ता ढल्ने भयो अब ।
( ३ )
छुटिनु थियो भने प्रेमको नाटक किन गर्यौ
सुखमा ठिकै थियो दु:ख पर्दा पर पर सर्यौ
आफ्ना भए भरका कमजोरीहरू लुकाएर
निर्दोष ठहरिन समाजको सामुन्ने भ्रम छर्यौ ।
(बागलुङ)
