1 मिनेट 
काठमाडौँ, १० भदौ ।
स्वास्थ्य तथा जनसंख्या राज्यमन्त्री उमेश श्रेष्ठले असोज पहिलो साताबाट परीक्षा सञ्चालन गर्न सकिने बताउनुभएको छ । आज बसेको शिक्षा तथा स्वास्थ्य समितिको बैठकमा बोल्दै उहाँले खोपको व्यवस्थापन भदौसम्म भइसक्ने हुँदा परीक्षा गराउन समस्या नहुने बताउनुभयो । उहाँले भदौ महिनासम्म प्रवेशपत्रका आधारमा सबै परीक्षार्थीलाई कोरोनाविरुद्धको खोप उपलब्ध गराइसक्ने बताउनुभयो । त्यसैले परीक्षा भदौको अन्तिम या असोजकोे पहिलो हप्ताबाटै गर्न सकिने बताउनुभयो । समितिले कक्षा १२ को विद्यार्थीलाई छिटोभन्दा छिटो खोपको व्यवस्था गर्न निर्देशन दिएको छ । समितिका सभापति जययपुरी घर्तीले स्वास्थ्य तथा जनसंख्या मन्त्रालयलाई कक्षा १२ को परीक्षा सञ्चालन गर्न सकेसम्म छिटो खोेपको व्यवस्था गर्न निर्देशन दिनुभएको हो ।
