1 मिनेट 
काठमाडौँ, १० भदौ ।
पछिल्लो २४ घण्टामा देशभर २ हजार ४ सय ३३ जनामा कोरोनाभाइरस संक्रमण पुष्टि भएको छ । १४ हजार ३ सय ७४ जनामा गरिएको परीक्षणमा सो संख्यामा संक्रमण पुष्टि भएको हो । यस्तै सोही अवधिमा १ हजार ९ सय २९ जना कोरोना संक्रमणमुक्त भएका छन् भने २६ जनाको मृत्यु भएको छ । यससँगै देशभर कोरोना संक्रमितको कुल संख्या पीसीआर विधिबाट ७ लाख ५४ हजार ९ सय १५ र एन्टिजेन विधिबाट ८१ हजार ९ सय ६८ जना पुगेको छ । यस्तै संक्रमितमध्ये ७ लाख ५ हजार ८ सय ९३ जना निको भएका छन् यससँगै देशभर कोरोना संक्रमणबाट १० हजार ६ सय ३८ जनाको मृत्यु भएको छ । हाल देशभर ३८ हजार ३ सय ८४ जना सक्रिय संक्रमित रहेका छन् ।
