अमेरिकी पनडुब्बी दक्षिण चीन सागरमा दुर्घटनामा परे

काठमाडौँ, २२ असोज ।
अमेरिकाको परमाणु ऊर्जाबाट सञ्चालित पनडुब्बी दक्षिण चीन सागरमा दुर्घटनामा परेको छ । पनडुब्बी अज्ञात वस्तुसँग दुर्घटनामा परेको हो । दुर्घटनामा परी १५ जलसेना घाइते भएका छन् । युएसएस कनेक्टिकट नामक पनडुब्बी कसरी ठोक्कियो यस बारेमा भने कुनै जानकारी आएको छैन। अमेरिकी जलसेनाका प्रवक्ताले दुर्घटनामा परे पनि पनडुब्बीको महत्वपूर्ण भागमा कुनै नोक्सान नपुगेको बताएका छन् । दक्षिण चीन सागर विश्वको सबैभन्दा विवादित र आर्थिक रूपले महत्वपूर्ण जलमार्गको रूपमा लिने गरिन्छ । चीनले यसको सबै क्षेत्र आफ्नो हो भनी दाबी गर्दै आइरहेको छ । हाससालै चीनले कृत्रिम द्वीपको पनि निर्माण गरेको छ । यसैगरी मलेसिया, ब्रुनाइ, भियतनाम, फिलिपिन्स र ताइवानले पनि समुन्द्रको हिस्सामा आफ्नो दाबी गर्दै आइरहेका छन् ।एजेन्सी ।