मालिंगाको अन्तिम खेलमा सानदारपूर्ण

श्रीलंकाका चर्चित खेलाडी लासिथ मालिंगाको अन्तिम खेलमा श्रीलंकाले बंगलादेशलाई ९१ रनले हराएको छ । विश्वकप पछि सन्यास लिने निर्णय गरेका मालिंगाकाले बंगलादेशविरुद्धको पहिलो एकदिवसीय खेललाई नै आफ्नो अन्तिम खेल बनाए । बंगलादेशसँगको यस खेलसँगै मालिंगाले एकदिवसीय अन्तराष्ट्रिय क्रिकेटबाट सन्यास लिएका छन् ।  अन्तिम खेलअघि श्रीलंकाका खेलाडीले ३६ बर्षीय मालिंगालाई ‘गार्ड अफ अनर’ दिएका थिए ।

उनी श्रीलंकाका लागि सर्वाधिक विकेट लिने तेस्रो खेलाडी पनि हुन् । मालिंगाले सन् २००४ को जुलाई १७ मा संयुक्त अरब इमिरेट्विरुद्घको खेलमार्फत एकदिवसीय प्रतियोगितामा ‘डेब्यु’ गरेका थिए । आफ्नो ‘डेब्यु’ खेलमा उनले एक विकेट लिएका थिए ।