बममा बस ठोक्कियो, कम्तिमा २८ जनाको मृत्यु

१५ श्रावण । अधिकांश महिला तथा बालबालिकाको ज्यान जाने गरी अफगानिस्तानको पश्चिम प्रान्त फाराहमा बुधबार बिहान बाटो छेउमा राखिएको बममा यात्रु बस ठोक्किँदा कम्तिमा २८ जनाको ज्यान गएको छ । कान्दाहार–हेरात राजमार्गमा गुडिरहेको यात्रु बस बाटो छेउमा रहेको बममा ठोक्किएर घटना भएको हो ।
ज्यान गुमाउने सबै सर्वसाधारण रहेको र संख्या अझै बढ्न सक्ने फाराहका गभर्नरका प्रवक्ता फारुक बाराक्जाइले बताएका छन् । बम कसले राखेको हो भन्ने नखुलेपनि बिद्रोही समूह तालिबानले यस्ता खालको आक्रमण गर्दै आएको छ ।