1 मिनेट 
भाद्र २ । फ्रेन्च लिग वानमा पेरिस सेन्ट जर्मेन (पीएसजी) पराजित भएको छ । प्रतिया्ेगिताको दोस्रो खेलमा साविक च्याम्पियन पिएसजी रेनेससँग स्तब्ध भयो । जारी सिजन नेमारलाई बेन्चमानै राखिरहेको पिएसजीले पहिलो खेलमा भने संघर्षपुर्ण जित निकालेको थियो। अवे मैदानमा भएको खेलमा पिएसजी रेनेससँग २–१ ले पराजित भएको हो । एडिन्सन काभानीको गोलबाट सुरुवाति अग्रता लिए पनि पिएसजीले अप्रत्यासित हार टार्न सकेन। काभानीले ३६ औँ मिनेटमा गोल गर्दै अग्रता दिलाएका थिए । तर ४४ औँ मिनेटमा एमब्ये नियाङ्गले रेनेसका लागि बराबरी गोल गरे। रोमेन डेल कास्टिलोले ४८ औँ मिनेटमा गोल गरेपछि रेनेसले अग्रता लियो । त्यसपछि दुवै तर्फबाट गोल हुन नसक्दा पिएसजी पराजित हुन बाध्य भयो ।
