1 मिनेट 
युवा खेलाडी आच्राक हाकिमले उत्कृष्ट प्रदर्शन गर्दा डर्टमण्डले च्याम्पियन्स लिग फुटबल अन्तर्गत समूह चरणको दोस्रो खेलमा जित निकालेको छ । बुधबार भएको खेलमा जर्मन क्लब बोरुसिया डर्टमण्डले चेक रिपब्लिकको क्लब स्लाभिया प्राग्वेलाई २–० गोल अन्तरले पाराजित गरेका हो । डर्टमण्डको यो पहिलो जित हो ।
यसअघि लिगाको पहिलो खेलमा डर्टमण्ड बार्सिलोनासँग बराबरीमा रोकिएको थियो । स्लाभियाको मैदानमा डर्टमण्डलाई जित दिलाउन आच्राफ हाकिमीले दुई गोल गरे ।
खेलको ३५ औँ मिनेटमा हाकिमीले गोल गर्दै डर्टमण्डलाई सुरुआती अग्रता दिलाएका थिए । खेलको ८९ औँ मिनेटमा हाकिमीले व्यक्तिगत दोस्रो गोल गर्दै डर्टमण्डलाई सहज जित दिलाए । जितसँगै समूह ‘एफ’ को डर्टमण्डले २ खेलबाट ४ अंक जोड्दै शीर्ष स्थानमा छ । पराजित स्लाभिया १ अंक छ ।
