1 मिनेट 
२३ भादै २०७६, डोटी । नेपाल टेलिकमद्धारा वितरीत इन्टरनेट सेवा शुक्रबार देखि बन्द बन्द भएको थियो । दुई दिनपछि यो सेवा हिजोबाट सुचारु भएको छ । नेपाल टेलिकम दीपायल राजपुरमा रहेको बीटीएस टावरमा शुक्रबारदेखि खराबी आएपछि डोटीलगायत यहाँका अन्य जिल्लामा इन्टरनेट सेवा अवरुद्ध भएको थियो ।
इन्टरनेट सेवा नहुँदा यहाँका सञ्चारकर्मीले आफ्ना सञ्चार माध्यममा दुई दिनदेखि समाचार सम्प्रेषण गर्न पाएका थिएनन भने बैंकिङ कारोबार गर्दै आएका विभिन्न संघ संस्थाले दुई दिनदेखि सेवा दिन सकेका थिएनन् ।
उता नेपाल टेलिकम दीपायलका प्रमुख प्रकाश चौधरीले बीटीएसमा आएको समस्या समाधान भएको बताउनुभयो। उहाँले भन्नुभयो– ‘नेटको बीटीएस टावरमा खराबी आउँदा केही दिन सेवा अवरुद्ध भएको थियो, नेट बनिसकेको छ।’
